Nata, kjo vrasëtare e pafajshme,
s'ma ka faj vetmin, e as pritjen
në kalendarin e zhubrosur.
Diku në të ngrysur lodhet dhimbja;
dielli, muget i përgjumur në syt' e mi,
dhe shkëlqezon shiovinën e së mbrëmshmes.
Momente t'lëna të heshtuna,
ringjallin ilustrime kujtimesh
të nji albumi të vjetër.
Ndëgjohet zhaurimë e ujvarës së bujshme;
shetitores përgjatë kalldrëmit të zbrazët,
megjithatë s'jam vetë.
Ka ditë, ditë që nuk sjellin asnji ndodhi,
por edhe fate ka të dhimbshme
që i pranojm të tilla siq jan të thëna.
Megjithatë, asgjë si kërkova k'saj nate,
dhe s'prita asgjë më shumë
vec mallkim zane të isha,
e ta flija tiktakun e kohës
derisa t'më zgjoi buza e rrezeagët.